Rom 2 | Ndebele | STEP | Ngakho kawulakuzilandulela , wena muntu , loba ungubani owahlulelayo; ngoba ngalokho owahlulela ngakho omunye, uyazilahla wena, ngoba wena owahlulelayo wenza izinto ezifananayo .

Romans 2

Bonke amaJuda labezizwe bazakwahlulelwa nguNkulunkulu

1 Ngakho kawulakuzilandulela ^a, wena muntu ^b, loba ungubani owahlulelayo; ngoba ngalokho owahlulela ngakho omunye, uyazilahla wena, ngoba wena owahlulelayo wenza izinto ezifananayo ^c. 2 Njalo siyazi ukuthi ukwahlulela kukaNkulunkulu kungokweqiniso phezu kwalabo abenza izinto ezinjalo ^d. 3 Njalo ucabanga lokho yini, O muntu owahlulela abenza izinto ezinjalo, lawe uzenza lezozinto, ukuthi wena uzaphepha ukwahlulela kukaNkulunkulu ^e? 4 Kumbe uyayeyisa yini inotho yomusa wakhe ^f leyokubekezela ^g lesineke ^h, ungazi ukuthi umusa kaNkulunkulu ukukhokhelela ekuphendukeni ⁱ? 5 Kodwa ngobulukhuni bakho lenhliziyo yakho engaphendukiyo uzibekela ulaka ^j ngosuku lolaka lolwesambulo sokwahlulelwa okulungileyo kukaNkulunkulu ^k, 6 ozavuza lowo lalowo ngokwemisebenzi yakhe ^l; 7 impilo elaphakade ^m kubo abalesineke ngokwenza imisebenzi elungileyo bedinga inkazimulo lodumo ⁿ lokungabhubhi; 8 kodwa intukuthelo lolaka ^o kulabo abalenkani ^p, njalo bengalaleli iqiniso kodwa belalela ukungalungi ^q, 9 usizi ^r lokubandezeleka ^s, phezu kwawo wonke umphefumulo womuntu owenza ububi ^t, owomJuda kuqala ^{u
,} ^v lowomGriki ^w; 10 kodwa inkazimulo ^x lodumo ^y lokuthula kuye wonke owenza okuhle, kumJuda kuqala lakumGriki; 11 ngoba kakukho ukubandlulula umuntu kuNkulunkulu ^z.

12 Ngoba bonke abonileyo bengelamlayo, ngokunjalo bazabhubha bengelamlayo ^aa; njalo bonke abonileyo emlayweni ^ab, bazagwetshwa ngomlayo ^ac; 13 ngoba kakusibo abezwayo umlayo abalungileyo phambi kukaNkulunkulu ^ad, kodwa abenzayo umlayo bazalungisiswa ^ae. 14 Ngoba nxa abezizwe abangelawo umlayo besenza ngokwemvelo okungokomlayo, bona, bengelawo umlayo, bangumlayo kubo ngokwabo; 15 ababonakalisa ukuthi umsebenzi womlayo ulotshiwe enhliziyweni zabo; isazela sabo laso siyafakaza, lemicabango yabo ibasole omunye komunye kumbe njalo ibavikele ^af omunye komunye, 16 ngosuku uNkulunkulu azakwahlulela ngalo imfihlo zabantu ^ag, ngoJesu Kristu ^ah, ngokwevangeli lami ^ai.

Ukwehluleka komlayo lokokusoka

17 Khangela wena ubizwa ngokuthi ungumJuda ^aj, weyeme emlayweni ^ak, uzincoma ngoNkulunkulu ^al, 18 usazi intando yakhe ^am, usemukela izinto ezingcono ^{an
,} ^{▼▼ izinto ezingcono: kumbe, ubusuhlolisisa izinto ezehlukileyo.}, ufundiswe emlayweni ^ap, 19 njalo uzithembile wena ukuthi ungumholi weziphofu, ukukhanya kwabasemnyameni ^aq, 20 umeluleki wezithutha, umfundisi wensane, ulesimo ^ar solwazi lolweqiniso emlayweni ^as. 21 Ngakho wena ofundisa omunye, kawuzifundisi yini? Wena otshumayela ukuthi ungebi, uyeba yini ^at? 22 Wena othi ungafebi, uyafeba yini ^au? Wena onengwa yizithombe, uphanga amathempeli yini ^av? 23 Wena ozincoma ngomlayo, udumaza uNkulunkulu ngokweqa umlayo yini ^aw? 24 Ngoba ibizo likaNkulunkulu liyahlanjazwa ^ax phakathi kwabezizwe ngenxa yenu ^ay, njengoba kulotshiwe.

25 Ngoba isibili ukusoka kuyasiza, uba usenza umlayo; kodwa uba ungumeqi womlayo, ukusoka kwakho sekuyikungasoki ^az. 26 Ngakho uba ukungasoki ^ba kugcina izimiso zomlayo, ukungasoki kwakhe kakuyikubalwa yini ukuthi kuyikusoka ^bb? 27 Lokungasoki ngemvelo, uba kugcwalisa umlayo, kungekugwebe yini ^bc wena ongumeqi womlayo ngombhalo langokusoka ^bd? 28 Ngoba kayisuye umJuda onguye ngokusobala, njalo kakusikho ukusoka okusobala enyameni ^be; 29 kodwa yena ungumJuda onguye ngasese ^bf, lokusoka kungokwenhliziyo ^bg, emoyeni ^bh, kungeyisikho ngombhalo ^bi; ondumiso yakhe ^bj kayiveli ebantwini kodwa kuNkulunkulu ^bk.